امي بالنسبة لي نور الشمس وضي القمر والنجوم التي تتلألأ في سماء حياتي الوجه المشرق باعثة الامل منبع الحنان الحب الحقيقي كل شيء جميل
اوقات كتير اخاصمها القيها تيجي بكل حنان وحب وتصالحني شفتوا قد اية انا قاسية وبخاصم امي
سامحيني ياامي دوما اقول لها هذه الكلمة واعتذر لها اراها بكل بساطة تقولي مسمحاكي يابنتي وراضية عنك احس اني عاوزة امسك نفسي وادي نفسي ضرب جامد او اعاقب نفسي علي كل لحظة ضايقت فيها امي او فكرت اني اخاصمها وهي متستحقش مني ابدا كده ديما بتتمني لي الخير وتتمني اني ابقي في احسن حال واني اكون احسن بنت في الدنيا وياسلام علي دعواتها ليا ولخواتي في كل وقت
ولو مرضت تسهر الليالي جمبي وميجلهاش نوم الا لما ربنا يشفي عني
ولو انجرحت تداويني بحنانها وطيبه قلبها
وده حال كل الامهات مع اولادهم وبناتهم
ياااااااا أد اية الام حاجة عظيمة جدا
قولولي بقي ياتري الام بكل معانيها الجميله وقلبها الكبير تستحق مننا يوم واحد بس علشان نقولها كل سنة وانتي طيبة او نقول لها بنحبك ونجيب لها هديه؟؟؟؟؟؟؟
ينفع نحتفل بامنا يوم واحد في السنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موضوع: عارفين انا بحب امي جداجدا جدا حب فوق الوصف 
الأحد نوفمبر 08, 2009 11:50 am
